Xantar Vegano de Convivir Parapapar

Unha das últimas incorporacións ao Proxecto Integral Compostela é a xente de Convivir Parapapar.

Convivir Parapapar é un proxecto de comedor vegano e ecolóxico que pretende mudar hábitos de consumo e acabar coa soidade e o traballo asalariado, tecendo rede e creando unha cultura de compartir.

Para máis información aquí tedes a súa páxina no facebook:

convivirParapapar

Mañá estades todxs convidadxs a participar no Xantar Vegano!

E por suposto, pódese facer unha aportación en landras 😉

 

19756330_1809098489419873_6791713055561835994_n

A educación alimenta(nos): Alternativas de consumo

Mañá xoves 15 de xuño participaremos na actividade “A educación alimenta(nos): Alternativas de consumo” na Facultade de Filosofía da USC.

 

cartel-definitivo

 

O grupo de traballo A Eira do Ceesg organiza cada ano unha actividade de reflexión e debate sobre o consumo responsable. Este ano a temática central escollida é a alimentación.

Coa educación no centro do debate, terá lugar unha mesa redonda sobre como educar para o consumo responsable, presentarase a Neveira Solidaria que está en funcionamento en Compostela. Como colofón, as persoas que asistan poderán degustar produtos sustentables e de proximidade.

Todo isto será o vindeiro 15 de xuño (xoves) na Facultade de Filosofía da Universidade de Santiago de Compostela, de 17:30 a 20:00.

Asistencia de balde.

VIII Encontro o Rural Quere Xente

Do 6 ao 9 de xullo terá lugar unha nova edición do Encontro ” O Rural Quere Xente. Tecendo Rede” en Carrizáns (Concello da Lama).

Esta iniciativa está dirixida a todas as persoas preocupadas polo medio rural, pola ecoloxía e por unhas relacións sociais e económicas xustas na nosa Terra.

Podes participar activamente na elaboración, posta en marcha e desenvolvemento do propio Encontro. O programa está aberto ás túas achegas e propostas.

Máis info na súa páxina:

https://xornadasrz

Aquí tedes o cartaz:

VIII_encontro.jpg

II Encontro Nacional de mercados

O próximo martes día 7 en Compostela  “II Encontro Nacional de Mercados” .

cartaz_compostela

O martes dia 7 de junho celebramos no parque de Belvis, em Compostela, o II Encontro Nacional de Mercados. Colhemos assim desde o “Entre Lusco e Fusco” o relevo de Ponte Vedra e do I Encontro, celebrado a iniciativa da Associaçom 4ponlas, com o objectivo criar un espaço de encontro e debate para os distintos mercados, encontros e feiras ecológicas e sustentáveis que se estám a celebrar na Galiza.
Foi precissamente acordo de aquel primeiro encontro dar continuidade à experiéncia e espalhá-la polo Pais com a intençom de criar um espaço itinerante de reivindicaçom de um outro modelo alimentar e económico, mas também de elaboraçom de estratégias em comum que nos permitam manter o nosso modo de vida, e que irá percorrendo e dando apoio às distintas iniciativas que se estám a sumar a esta rede.

Seria convinte que confirmaras a tua paricipaçom antes do dia 5 para poder desde o Lusco organizar os espaços. Podes fazé-lo a través do correio electrónico raicesdolusco@gmail.com indicando-nos quem és, de onde vés, que é o que fás, e se vas pór posto à tarde.
A ideia é constituir a Assembleia às 12:00, parar a jantar sobre as 14:00 e à tarde preparar o mercado. Durante a feira haverá música ao vivo, taberna, demostraçons e apresentaçons de distintos projectos e iniciativas sociais “aliadas” do Entre Lusco e Fuscos e que partilham com nós o mesmo espririto de rebeldia.

Tanto a Assembleia como o jantar serám no local que fica justo ao caróm do espaço onde desenvolvemos o mercado. Para o jantar partilharemos o que cada quem traia da casa.

Participa desta iniciativa, agardamos por ti em Compostela!

Festa III aniversario do PIC

O Pic Proxecto Integral Compostela está de aniversario! a Landra, a moeda social que tempos en Compostela cumpriu tres anos de vida e queremos celebralo con todas e todos vós.
Teremos unha palestra ” Novas formas de economía colaborativa “ onde faremos unha presentación do PIC, Contaremos tamén coa colaboración de Óscar Gorriz que presentará o proxecto Faircoop.
 
Teremos tamén sesión vermú con pinchos, mercadiño en moeda social…e sortearemos unha cesta con produtos do PIC.
Vinde a desfrutar e a celebrar con nós estes tres anos, e ademais poderedes marchar para casa cun estupendo lote de produtos!
Vémonos este sábado no Ateneo a partir das 11.30!
festa III aniversario